Арыенцір — эфектыўнае гаспадаранне
Асноўным пытаннем парадку дня чарговага пасяджэння раённага выканаўчага камітэта, якое адбылося 27 кастрычніка пад кіраўніцтвам старшыні райвыканкама Ігара Кузняцова, стала "Аб эфектыўнасці гаспадарчай дзейнасці сельскагаспадарчых арганізацый у 2017 годзе".
Гэта невыпадкова. У дакладзе начальніка раённага ўпраўлення сельскай гаспадаркі і харчавання Вячаслава Бялько адзначана, што сёлета за дзевяць месяцаў нашы аграрыі атрымалі прадукцыі ў супаставімых цэнах на 4,6% менш леташняга за такі ж перыяд. Недабор здарыўся ў 13 арганізацыях АПК. Рэалізацыя малака зменшылася на 6,1%, пры тым 63,6% яе забяспечана гатункам экстра пры таварнасці 86,3%.
Вытворчасць (вырошчванне) буйной рагатай жывёлы скарацілася на 4,6% пры сярэднясутачных прывагах на вырошчванні і адкорме ў 508 грамаў.
Зерня сёлета намалочана ў бункернай вазе на 5,1% больш мінулагодняга.
Запланаваныя аб'ёмы сяўбы азімых збожжавых і рапсу не дазволіла забяспечыць надвор'е. Па гэтай жа прычыне менш назапашана для грамадскага статка кармоў на зімоўку.
Як вынік, арганізацыі АПК за восем месяцаў чыстага прыбытку атрымалі 391 тысячу рублёў пры рэнтабельнасці 1,8%. Сярэднямесячная заработная плата склала 320 рублёў. А вось інвестыцый у асноўны капітал толькі за студзень-верасень паболела да адпаведнага перыяду летась на 69%. Значная іх частка накіравана на набыццё машын, абсталявання і транспартных сродкаў. Чакаецца, што па выніках дзевяці месяцаў выдаткі на вытворчасць і рэалізацыю прадукцыі паменшацца на 2%.
У дакладзе неаднаразова прагучала абгрунтаваная крытыка за пагаршэнне паказчыкаў у адрас кіраўніцтва КУП "Язна"і ААТ "Дрыгучы". Выказаны папрокі за дапушчаныя недахопы дырэктарам ААТ "Папшулі"і "Мікалаёўскі". Адзначаны пралікі ў дзейнасці сельгаспрадпрыемстваў "Гвардзейскі", "Мерыца", "Туркова"і іншых.
У прынятым рашэнні вызначаны напрамкі асноўных намаганняў па павышэнні эфектыўнасці сельскагаспадарчай вытворчасці, галоўным патрабаваннем пры гэтым з'яўляецца забяспечыць бесстратную работу калектываў па выніках года.
Пры падвядзенні вынікаў старшыня райвыканкама Ігар Кузняцоў звярнуў увагу кіраўнікоў на неабходнасць абавязковай аплаты энерганосьбітаў, арганізаванага заканчэння кампаніі па індэнтыфікацыі жывёлы ў гаспадарках.
Турызм — перспектыўны напрамак
Па інфармацыі начальніка аддзела адукацыі, спорту і турызму Аляксандра Жука райвыканкам прааналізаваў сёлетнія вынікі выканання на Міёршчыне мерапрыемстваў Дзяржаўнай праграмы "Беларусь гасцінная"на 2016-2020 гады. Так, за студзень-жнівень экспарт турыстычных паслуг да леташняга ўзроўню павялічыўся на 28%. Гэта ўнёсак усіх прадпрыемстваў, найперш дзіцячага санаторыя "Расінка", раённай аргструктуры РДГА "Беларускае таварыства паляўнічых і рыбаловаў", ТАА "Абстэрна". Падрыхтаваны рэкламна-інфармацыйныя матэрыялы аб турыстычным патэнцыяле Міёршчыны і заказніка "Ельня", праводзіліся азнаямляльныя туры для журналістаў беларускіх і замежных СМІ, турыстычных агенцтваў і делавых партнёраў. Прадстаўнікі раёна ўдзельнічалі ў праводзімых у Беларусі міжнародных выставах і кірмашах.
Адзначана, што дзяржпраграма "Беларусь гасцінная"на Міёршчыне выконваецца. Пры гэтым неэфектыўна выкарыстоўваюцца зямельныя ўчасткі, прадастаўленыя для размяшчэння турыстычных аб'ектаў. Не створаны аграэкасядзібы на базе сялянска-фермерскіх гаспадарак і сельгаспрадпрыемстваў. Прыпынена будаўніцтва пункта харчавання ў вёсцы Дзянісава на трасе Полацк-Браслаў. Належыць больш клапаціцца пра месцы адпачынку паблізу вадаёмаў і выпуск сувеніраў.
Аддзелам райвыканкама пастаўлена задача сістэмна маніторыць дзейнасць арганізацый, якія аказваюць экспарт турыстычных паслуг, клапаціцца пра рэкламна-інфармацыйныя матэрыялы і ўказальнікі да аб'ектаў, запрашаць замежных спартсменаў, прапагандаваць экалагічны фестываль "Жураўлі і журавіны Міёрскага краю"і забяспечыць ад яго эканамічную аддачу, удзельнічаць у інвестыцыйных форумах і праектах трансгранічнага супрацоўніцтва. Канкрэтызаваны напрамкі намаганняў арганізацый-экспарцёраў турыстычных паслуг.
"Бытоўку"—развіваць
Работа камунальнага ўнітарнага прадпрыемства "Міёрскі камбінат бытавога абслугоўвання"па забеспячэнні поўнага і якаснага прадастаўлення бытавых паслуг насельніцтву і іншых напрамках дзейнасці прызнана недастатковай. Такі вывад зроблены з інфармацыі намесніка старшыні райвыканкама Аляксандра Баданіна. Ад кіраўніцтва КУП "Міёрскі камбінат бытавога абслугоўвання"запатрабавана забяспечыць паўнату і якасць прадастаўлення паслуг, захаванне сацыяльных стандартаў і правіл у сферы бытавога абслугоўвання насельніцтва, выкананне паказчыкаў сацыяльна-эканамічнага развіцця на 2017 год. Працягваць укараненне новых, рэнтабельных відаў і форм паслуг, тэхнічнае пераўзбраенне вытворчасці, уцягваць у абслугоўванне сяльчан і стварэнне новых рабочых месц індывідуальных прадпрымальнікаў і арганізацый недзяржаўнай формы ўласнасці. Асаблівай увагі патрабуе падбор кадраў і павышэнне кваліфікацыі работнікаў.
Права на льготныя крэдыты
Райвыканкам зацвердзіў спіс грамадзян на атрыманне льготных крэдытаў на капрамонт і рэканструкцыю жылля з захаваннем чарговасці іх прадастаўлення. У ім жыхары райцэнтра І.У. Красноўскі і Т.С. Кліменцьева, жыхар Ідолта М.У. Анецька.
Падрыхтаваў Леанід МАТЭЛЕНАК.