На сайтах раённых выканаўчых камітэтаў ужо некалькі месяцаў дзейнічаюць рубрыкі "Навіны раёна".
На некаторых гэтыя рубрыкі нязручныя і нязграбныя. Напрыклад, на сайце Браслаўскага райвыканкама няма архіва навінаў: старыя навіны выдаляюцца, замест іх новыя ставяцца на старонку.
Падчышчае старыя навіны і сайт Глыбоцкага райвыканкама.
Шаркоўшчынскі райвыканкам не публікуе мясцовыя навіны на сваім сайце. У Шаркоўшчыне, аднак, добры сайт у газеты "Кліч Радзімы", якая належыць райвыканкаму.
Самая раздзяўбайская рубрыка навінаў на сайце Докшыцкага райвыканкама. Яны не публікуюць навіны ў фармаце html, традыцыйным для Сеціва. Спасылкі з галоўнай старонкі сайта вядуць на Word'аўскія файлы, якія трэба спачатку спампаваць на кампутар, а толькі потым прачытаць.
На сайтах Мёрскага райвыканкамаі Пастаўскага райвыканкамаархівы навінаў ёсць. І толькі ў Мёрах ён аформлены па-людску, а ў Паставах - дызайн мінулага стагоддзя.