У картаграфічным сэрвісе Google Maps з'явілася магчымасць згуляць у Pac-Man. Прычым зрабіць гэта можна нават на мапе Глыбокага ці Паставаў. Галоўнае, каб вуліц было дастаткова.
Што трэба зрабіць? Усё проста. Загрузіце вэб-версію сэрвісу Google Maps, націсніце на кнопку ў левым ніжнім куце. У якасці лабірынта для гульні будуць выступаць дарогі горада, абранага карыстальнікам. Як і ў арыгінальным Pac-Man, гульцу трэба есці кропкі і ўцякаць ад прывідаў. Перасоўванне ажыццяўляецца з дапамогай стрэлак на клавіятуры ці курсора мышкі.
Даслана endrus, 31.03.15