Пройдзе ён У Міёрах 27 чэрвеня па ініцыятыве Прадстаўніцтва Еўрапейскага саюза ў Беларусі . Арганізатарамі таксама з’яўляюцца Міёрскі райвыканкам і беларускі фонд “Інтэракцыя”
У праграме фестывалю – майстар-класы вядомага эксперта па еўрапейскай кухні Аляксандра Чыклінскага, супрацоўнікаў французскага пасольства ў Беларусі, удзельнікаў еўрапейскай сеткі рэгіянальнай кулінарнай спадчыны з Латгалііі (Усходняя Латвія) і Віцебскай вобласці. Латышы не толькі пачастуюць удзельнікаў свята сваімі нацыянальнымі стравамі, але і навучаць, як рабіць сапраўдны латгальскі сыр, а гаспадары аграсядзіб – удзельнікі праекта “Belle cuisine” – прадэманструюць свае фірменныя прысмакі.
Адным з цэнтральных момантаў фестывалю будзе прэзентацыя “Кулінарнай кнігі краін Еўрапейскага саюза”. Яе ў якасці прыза атрымаюць пераможцы конкурсаў, якія будуць праходзіць на працягу ўсяго дня. Таксама будзе арганізавана дэгустацыя прадукцыі мясцовых прадпрыемстваў харчовай прамысловасці.