Журналіст з Глыбокага Зьміцер Лупач паехаў у Мёры здымаць відэаматэрыял. Рэакцыя на чалавека з камерай аказалася нечаканай. З райвыканкама выйшаў чалавек і сказаў, што здымкі трэба "ўзгадніць з аддзелам ідэалогіі" (ніякі закон не ўтрымлівае такога патрабавання, гэта выдумка гэтага чалавека). А калі Лупач здымаў каля міліцыі, да яго падыйшла жанчына, сфатаграфавала на мабільны тэлефон і пачала даводзіць, што "снимать милицию нельзя", а журналіст - магчыма, "бандыт з Украіны".
Зьміцер Лупач размясціў на сваім Фэйсбуку іранічны ролік з гэтай нагоды.
Даслана Кастусь Шыталь, 09.03.18